I bi d'Jeanine (2001). D Musig het mi scho als chlis Chind beschäftiget. Wonni mit 3 jährig uf dr Handorgele vo mim Götti öppis ha dörfe drücke, ha ig gseit: "Das wott ig o Mal spile!". Es paar Jahr si vergange und mit 9 jährig isches de sowit gsi. Über Nacht isch ufzmal ä Handorgele i mim Zimmer gstande u churz drufache ha ig agfange mit mire erste Akkordeonstund.

Woni ider Oberstuefe ä Abschlussarbeit ha chönnä schribä, ha ig d Handorgele mit em Schwyzerörgeli vergliche. Da mi das Schwyzerörgeli nüm het losgla, hani im Summer druf o das afa spile.

Nach dr Schuel ha ig dr Gymer gmacht u bi aktuell im Studium zur Primarlehrerin.

Drzue trifft mä mi o ir Tracht a, bi dr Trachtegruppe Kandersteg oder irgendwo ide Bärge, sigs uf de Ski oder ufem E-Bike.